Farg‘ona tumani "Shohimardon" mahallasi markazida “Milliy libos – ma‘naviyat ko‘zgusi” mavzusida ko‘tarinki ruhdagi targ‘ibot tadbiri bo‘lib o‘tdi. Mamlakatimizda har juma kuni "Milliy liboslar kuni" sifatida keng nishonlanib, milliy liboslarimiz va qadriyatlarimizni keng targ‘ib qilishga alohida e‘tibor qaratilmoqda. Shu munosabat bilan, Oila va xotin-qizlar bo‘limi hamda Qo‘shtepa tuman targ‘ibot guruhi rahbari D.Yusupova hamkorligida "Shohimardon" mahallasi markazida “Milliy libos – ma‘naviyat ko‘zgusi” mavzusida targ‘ibot tadbiri bo‘lib o‘tdi. Tadbir doirasida milliy libos va do‘ppi chellenji tashkil etilib, unda mahalla aholisi, ayniqsa xotin-qizlar va yoshlar faol ishtirok etdilar. Ishtirokchilarga esdalik sovg‘alari, milliy do‘ppilar, yaktaklar hamda kitoblar ulashildi. Tadbir so‘ngida nuroniylar tomonidan ezgu duolar qilinib, barchaga minnatdorlik bildirildi.