Олтиариқ туман Устоз маҳалласида яшовчи ёшлар "Беш ташаббус" олимпиадасининг Республика босқичида енгил атлетика бўйича фахрли иккинчи ўринни қўлга киритишган. Ғолиб жамоа ташкилотчилар томонидан муносиб тақдирланиб, Республика Спорт вазирлиги ажратган маблағ хисобидан Устоз МФЙдаги 18-умумтаълим мактаби худудида "Strit bol" vorkaunt майдончаси қуриб берилди. Бугун маскур спорт иншоотининг очилиш маросими ўтказилди. Тадбирда вилоят Спорт бошқармаси, туман Спорт мактаби вакиллари, мактаб жамоаси, ёшлар ва маҳалла фаоллари иштирок этди. Тадбирда туман ҳокимининг ўринбосари Президентимиз ташаббуси билан спортни ривожлантириш, маҳалла ёшларига спорт-соғломлантириш ва маданий тадбирлар учун кенг имкониятлар яратилаётганини таъкидлаб, ёшлар орасидан яна кўплаб соғлом фикрли, иқтидорли йигит-қизлар етишиб чиқаётгани ҳақида фикр юритди.